Qarabağ uğrunda gedən ağır döyüşlərdə iştirak etmiş daha bir qazimiz dünyasını dəyişdi

Qaziler.az bildirir ki, Tağıyev Elşən Misirxan oğlu 1973-cü il, martın 6-da Ağdam rayonunun Gülablı kəndində doğulub. 1992-ci ildə ildən 1994-cü ilə qədər erməni işğalçılarına qarşı döyüşüb. Ağdam rayonu, Naxçıvanik, Aranzəmi, Pircamal, Ağbulaq, Dəhraz, Abdal-Gülablı, Bağmanlar, Sayvalı, Mərzili, Novruzlu, Yusifcanlı, Muğanlı kəndləri uğrunda gedən ağır döyüşlərdə iştirak edib. 1998-ci ildə ordudan tərxis olunub.

II qrup Qarabağ əlili idi.

8 il vərəm xəstəliyindən əziyyət çəkib. Ağır xəstə olsa da Yasamal rayonundakı 19 saylı poliklinikanın baş həkimi Əzizağa Şıxəliyevin (Allahşükür Paşazadənin baçısı oğludur-red.) "tamah"ı ucbatından I dərəcəli əlillik statusu ala bilməyib.
Ona ümumi əlillik dərəcəsi verilmişdi. I dərəcəli Qarabağ əlliliyi almaq üçün poliklinika sənədləşdirmə aparmadı. Beləliklə, Qarabağ qazisinin 8 il haqqını yedilər.

Özündən sonra bir qız övladı yadigar qalıb.

Allah qazi qardaşımıza rəhmət eləsin!