Bərdə rayonu Çələbilər kəndinin bir qrup sakini Prezident İlham Əliyevə müraciət ünvanlayıb

Qaziler.azın məlumatına görə, müraciətdə deyilir ki, Bərdə rayonunun Bayramlı kənd sakini Qabil Mikayılov fərdi təsərrfatındakı mal-qaranı saxlamaq üçün Bərdə rayonu Çələbilər kənd bələdiyyəsi ilə müqavilə bağlayaraq kənd ərazisindəki 7 hektar sahəni 25 illiyə icarəyə götürüb. “Bu barədə 5 aprel 2003-cü ildə “Torpağın icarə müqaviləsi“ də bağlanıb. Həmin müqavilənin Azərbaycan Respublikasının Ədliyyə Nazirliyinin Regional Ədliyyə İdarəsinin məktubuna əsasən qanunsuz verilməsi barədə məktub göndərilmiş və bu məktuba əsasən Çələbilər bələdiyyəsi tərəfindən həmin müqavilə ləğv edilmişdir. Bu günə kimi həmin 7 hektar torpaq sahəsi Çələbilər kənd sakinlərinin ixtiyarındadır. Lakin iddiaçı Qabil Mikayılov Gəncə İnzibati Məhkəməsinə müraciət etmiş və Gəncə İnzibati Məhkəməsi 25 noyabr 2019 il tarixində qərar qəbul edərək Bərdə rayon Çələbilər bələdiyyəsinin 29 dekabr 2018-ci il tarixli 12 nömrəli qərarını ləğv edib“.

Çələbilər kəndinin sakinləri bununla bağlı Prezidentə müraciət edərək özlərinin mal-qarasının otarmağa örüş sahəsinin olmadığı halda başqa kənd sakininin Çələbilərdə torpaq icarəyə verilməsinə etiraz edərək məsələnin yenidən araşdırılmasını xahiş edirlər.