Trend Fövqəladə Hallar Nazirliyinin saytına istinadən məlumat verir ki, Ələt-Astara yolunun 35-ci kilometrliyində Salyan rayonu ərazisində “KamAZ” markalı yük avtomobili ilə “Mercedes” markalı minik avtomobili toqquşub.
Hadisə yerinə cəlb olunmuş nazirliyin xilasetmə qüvvələri “Mercedes” markalı avtomobildə sıxılmış vəziyyətdə qalmış 1961-ci il təvəllüdlü Əliyev Sakit Davud oğlunun, 1994-cü il təvəllüdlü Sadıqova Xədicə Vüqar qızının və 1995-ci il təvəllüdlü Sadıqova Səbinə Vüqar qızının cəsədlərini çıxararaq aidiyyəti üzrə təhvil veriblər.
