Xəbər verildiyi kimi, “Şərurlu İsfəndiyar” kimi tanınan tikinti maqnatının qaldırdığı iddia əsasında pulunu ödədikləri halda Aprel şəhidi Sənan Axundovun ailəsinə məxsus mənzili məhkəmə qərarı ilə əllərindən alınıb

Bu, sosial şəbəkədə yayılandan sonra “Şərurlu İsfəndiyar” dərhal saytlara sözügedən məsələnin ona aid olmadığına dair açıqlama vermişdi. Bunun ardınca isə iş adamı Aprel şəhidi Sənan Axundovun ailəsinin şəhid adından istifadə etdiyini bildirmişdi.

Qaziler.az xəbər verir ki, Şəhid ailəsinə qarşı atılan bu addım keçmiş döyüşçülər tərəfindən təbii olaraq hiddətlə qarşılanıb. “Qarabağ Qaziləri” və “Vətən Müharibəsi Əlilləri” ictimai birlikləri bununla bağlı birgə açıqlama veriblər. Qarabağ qaziləri “Şərurlu İsfəndiyar”ın bu qanunsuz əməlini “yaramaz addım” adlandırıblar: “Bu, şəhid adına, şəhid statusuna qarşı aşağılayıcı hərəkətdir. Bu, həm hüquqi, həm də mənəvi cəhətdən yaramazlıqdır, qanunsuzluqdur. “Qarabağ Qaziləri” və “Vətən Müharibəsi Əlilləri” ictimai birlikləri iş adamının bu əməlini pisləyir və lənətləyir.
Azərbaycanın Birinci vitse-prezidenti Mehriban Əliyeva tərəfindən “Şərurlu İsfəndiyar” kimi tanınan tikinti maqnatının bu hərəkətinə qarşı təqdirəlayiq addım atılıb - şəhidin ailəsi mənzillə təmin edilib. Qarabağ qaziləri olaraq Mehriban xanımın bu nəcib addımını alqışlayırıq”.