Gürcüstanın Axalkalaki bələdiyyəsinin Buqaşen kəndində Dağlıq Qarabağda dinc azərbaycanlı əhalini qətlə yetirmiş "Kobra” ləqəbli terroçu Mikail Avakyana abidə qoyulması ilə əlaqədar etiraz aksiyası başlayıb.
Gürcüstan parlamentinin binası qarşısında keçirilən etiraz aksiyasında azərbaycanlılarla yanaşı gürcülər də iştirak edirlər.Əllərində Gürcüstan və Azərbaycan bayraqlarını tutan etirazçılar Mikail Avakyanın abidəsinin sökülməsini tələb edirlər.
