Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyinin II qurultayı keçirilib.

Azvision.az xəbər verir ki, qurultayda birliyin 23 nəfərdən ibarət yeni İdarə Heyəti təsdiqlənib.

Qurultayın qərarına əsasən, Azərbaycan Xarici İşlər Nazirliyinin əməkdaşı Tural Gəncəliyev icmanın sədri vəzifəsinə, Asif Cahangirov icra heyətinin sədrinin müavini vəzifəsinə seçilib. Digər müavin isə Qarabağ Araşdırmalar Mərkəzinin sədri Elçin Əhmədov olub.

Qeyd edək ki, indiyədək birliyin sədri Şuşa Rayon İcra Hakimiyyətinin başçısı Bayram Səfərov olub.