Türkiyə və Azərbaycan teleməkanında geniş izləyici rəğbəti qazanan “Diriliş Ərtoğrul” filmində rol alan Şəmistan Əlizamanlı yeni vətənpərvərlik mahnısı və hərbi marş üzərində işləyir.

Bunu vətənpərvərlik mahnıları və hərbi marşları ilə məhşur olan Şəmistan Əlizamanlı Ağdam rayonunda yerləşən "N" saylı hərbi hissədə Bayraq günü münasibəti ilə keçirilən tədbir zamanı Ordu.az-ın müxbirinə açıqlamasında bildirib.



Şəmistan Əlizamanlı bildirib ki, “Diriliş Ərtoğrul”da çəkilmək üçün təklif Türkiyə tərəfindən gəlib. Filmdə ozan obrazını canlandıran Ş.Əlizamanlı müəllifi olduğu “Tanrı türkə yar olsun” mahnısını ifa edib.

Onun sözlərinə görə, Türkiyə kinematoqrafçıları ilə gələcəkdə də birgə işləyəcəklər.

Tədbir əsnasında "N" saylı hərbi hissədə əsgərlərlə birgə nahar edən hərbi diktor cəbhə şəraitində hərbi hissədə yaradılan şəraitə vurğun olduğunu deyib: "Burada bişirilən yeməklərdən tutmuş əsgərlərin kazarma şəraitinə qədər hər şey ən ideal səviyyədədir".