Bakının Binəqədi rayonunda dünən yanan binanın sakinləri əşyalarını mənzillərdən çıxarmağa başlayıblar.

APA-nın hadisə yerində olan əməkdaşının verdiyi məlumata görə, hazırda sakinlər binada olan yanmamış əşyalarını çıxarırlar.

Qeyd edək ki, Binəqədi rayon İcra Hakimiyyətinin başçısı Xaləddin İsgəndərov bu gün jurnalistlərə açıqlamasında sakinlərə siyahı əsasında öz evlərindən əşyalarını çıxarmağa şərait yaradılacağını deyib.

X. İsgəndərov bildirib ki, yanmış binanın sakinləri onlara ayrılan mənzillərdə qalmaq istəməsələr, onlara yaşamaq istədikləri evin kirayə haqqı ödəniləcək.