Fələstin Dövlətinin Bakıdakı səfirliyi Azərbaycan xalqına başsağlığı verib. APA-nın məlumatına görə, Fələstin səfiri Nasser Abdel Kareemin başsağlığı məktubunda deyilir:

“Paytaxt Bakıda binanın yanması ilə əlaqədar Azərbaycan xalqına üz verən faciə xəbərini dərin kədər və hüznlə aldıq. Yanğın nəticəsində ölən və yaralananlar olub. Acı hadisə ilə əlaqədar olaraq Fələstin Dövlətinin Azərbaycandakı səfirliyi Fələstin xalqı adından dərin hüznlə başsağlığı verir və kədərinizi bölüşür. Allahdan ölənlərə rəhmət istəyir, yaxınlarına səbr və təmkin arzulayır, yaralılara isə tez bir zamanda şəfa diləyirik. Allah Rəhimli və Mərhəmətlidir”.