Bu gün şəhid ailəsinə qarşı daha bir hörmətsizlik baş verib.

Bu barədə Şəhid ailələrinə Sosial Dəstək İctimai Birliyinin sədri Almaz Zeynalova Qaziler.az saytına məlumat verib.

O bildirib ki, bu günlərdə bir şəhid ailəsinin problemini həll etmək üçün 1 saylı şəhər poliklinikasına gedib. Baş verənlərlə bağlı Almaz Zeynalova bunları deyib: “Hələlik bəzi məsləhət almaq üçün poliklinikaya getdim. Kübra Cabbarova adlı qadın xeyli gözlətdikdən sonra mənim fikrimi sona qədər dinləmədən: "Xanım, mən şəhid ailəsinin problemini həll etmirəm. Mən də şəhid ailəsiyəm, indi mən də idarələrə gedib yardım almalıyam?"- deyib. Mən oturduğum halda o, əlini atıb qapıya ki, çıxın, mənim vaxtım yoxdur. Lap şəhid ailəsi deyil, sıradan biridir, insanlara qarşı bu münasibət nə deməkdir? İndi qəribə bir vəziyyət yaranıb: hamı deyir ki, mən şəhid ailəsiyəm. Bu yolverilməzdir“.

Almaz Zeynalova bildirib ki, bununla bağlı səhiyyə nazirliyinə şikayətə gedib.

Mövzunu diqqətdə saxlayacayıq.