Azərbaycan Dövlət İqtisad Universitetində “Gənc müəllimlər” layihəsinə start verilib.

ADİU-un mətbuat xidmətindən Lent.az-a verilən məlumata görə, layihənin həyata keçirilməsində məqsəd özünə inanan, tələbələrlə işləməyə həvəs göstərən və gələcəyini pedaqoji fəaliyyətdə görən ünsiyyətcil gəncləri İqtisad Universitetinə cəlb etməkdir.

Layihədə iştirak etmək istəyən yaşı 30-a qədər olan magistr təhsilli gənclər sənəd təqdim edə bilər. Xarici dil bilikləri olanlara üstünlük veriləcək. Tələblərə cavab verən namizədlər mövcud qanunvericiliyə uyğun olaraq ADİU-da işə qəbul ediləcəklər.

Layihədə iştirak etmək istəyənlər CV-lərini 18 iyun 2015-ci il tarixinə qədər [email protected] ünvanına göndərsinlər. Əlaqə: (012) 497-58-63