Qaziler.az saytı azpress.az-a istinadən verdiyi xəbərər görə, Ağdamın Quzanlı qəsəbəsində inşa edilən avtovağzal kompleksinin açılışı olub...

Ağdamın Quzanlı qəsəbəsində inşa edilən avtovağzal kompleksinin açılışı olub.
Bu münasibətlə keçirilən tədbirdə çıxış edənlər rayonda gedən sosial-iqtisadi inkişafdan, aparılan tikini-quruculuq işlərindən söhbət açıblar.

Mərasimdə çıxış edən rayon sakinləri, indiyədək rayonda avtovağzalın olmaması, əhalinin ölkədaxili şəhər və rayonlara daşınmasında bir sıra çətinliklər əmələ gətirdiyini və bu problemin aradan qaldırılmasına və Ağdam sakinlərinin həyat şəraitinin yaxşılaşdırılmasına görə ölkə rəhbərliyinə öz minnətdarlıqlarını bildiriblər.

Rəmzi qırmızı lent kəsildikdən sonra tədbir iştirakçıları avtovağzal kompleksi ilə yaxından tanış olublar.

Qeyd edək ki, Ümumi sahəsi 448 kvadratmetr olan ikimərtəbəli avtovağzal binası, gözləmə zalı, həkim, ana-uşaq, ibadət və istirahət otaqları, kassa, dispetçer otaqlarından və bufetdən ibarətdir. Bina əhaliyə daha keyfiyyətli xidmət göstərmək məqsədi ilə ən müassir avadanlıqlarla təhciz edilib.