Azərbaycan Gənclərinin Avropaya İnteqrasiyası Təşkilatının AR Prezident yanında Gənclər Fondunun dəstəyi ilə 06 may 2015-ci il tarixində “Gənc Jurnalistlərin Etik Prinsipləri” layihəsinə start verilib. Bu barədə QAZİLER.AZ-a Etika Akademiyasının direktoru (AGAT) Günel İbrahim məlumat verib.

Layihənin məqsədi ekspertlər tərəfindən aparılan təlimlər, internetdə kommunikasiyta mədəniyyəti və gənc jurnalistlərun etik prinsipləri gözləyərək peşəkarlıqlarının daha da artırılmasına töhvə verməkdir.

Layihənin ilk günü Etika Akademiyasının direktoru Günel İbrahim Etika və qlobal dəyərlər mövzusunda təlim keçmişdir. Eyni zamanda Günel İbrahim jurnalistlərə müsahibə zamanı ilk 5 dəqiqədə təəsüratın yaradılması və davranış qaydaları haqqında təqdimat etdi.

Qeyd edək ki, Gənc Jurnalistırin Etik Prinsipləri adlı layihə 2015-ci il mayın 12-dək davam edəcəkdir.