“Bizim Gənclik” İctimai Birliyi Azərbaycan Respublikasının Prezidenti yanında Qeyri-Hökumət Təşlilatlarına Dövlət Dəstəyi Şurasının maliyyə dəstəyi ilə “Ekologiya-sağlam həyat tərzidir” layihəsinin icrasına başlayıb.

Layihənin əsas məqsədi gənclər arasında ekoloji maarifləndirmənin gücləndirilməsi və sağlam həyat tərzinin təbliği üçün yaradılmış xüsusi proqram olan “İnsan ekologiyası”nın Azərbaycanda geniş yayılmasına dəstək verməkdir.

İctimai Birliyin mətbuat xidmətindən AZƏRTAC–a bildiriblər ki, layihə əsasən iki istiqamətdə həyata keçiriləcək. Belə ki, “İnsan ekologiyası” proqramı əsasında hazırlanmış təlimlərin keçirilməsi ilə yanaşı, bu mövzuda sosial çarxın çəkilişi də aparılacaq.

Layihədə iştirak etmək istəyən gənclər CV-lərini mayın 15-dək [email protected] ünvanına göndərə bilərlər.