“Facebook”, “Tvitter” və digər sosial şəbəkələr boşanmaların sayının artmasına səbəb olan amillərdən biridir. Bu barədə “Slater and Gordon” hüquq şirkətinin hesabatında deyilir. Şirkətin getdikcə daha çox müştərisi "Facebook”, “Tvitter”, eləcə də “Skype”, “Snapchat” və “Vhats App” kimi servislərin boşanmada rol oynamasını bildirir. Hüquqşünaslar “Censusvide” şirkəti ilə birlikdə iki mindən çox evli kişi və qadın arasında sorğu keçirib. Məlum olub ki, evli olan hər yeddinci respondentdən biri həyat yoldaşının və ya arvadının sosial şəbəkədə yazdığı şərhinə görə boşanma barədə düşünüb. Təxminən eyni sayda rəyi soruşulan bildirib ki, internetdə tərəfdaşın xəyanət etməsi ilə bağlı sübutlar axtarır, eyni zamanda hər beşinci respondent hər gün əri və ya arvadı ilə sosial mediadan istifadəyə görə mübahisə etdiyini vurğulayıb.

“Beş il əvvəl “Facebook”un nikahın posulmasına səbəb olması təsadüfi hallarda göstərilirdi, lakin indi bu adi hal alıb. Sosial şəbəkələrdə fotoşəkil və şərhlər mütəmadi olaraq boşanma səbəblərinin müzakirəsi zamanı qaldırılmağa başlayıb”, - "Slater and Gordon” mütəxəssisi Endryu Nyuberi bildirib.

Sorğunun nəticələrinə görə, sosial şəbəkələrdə ər və ya arvadın hesabının yoxlanılması üçün geniş yayılan səbəb onların kim ilə ünsiyyət qurmasını, görüşməsini və hara getməsini öyrənmək olub. Evli olan insanların dörddə biri etiraf edib ki, qarşı tərəfin belə “izlənilməsi” ən azı həftədə bir dəfə mübahisələrə səbəb olur, 17 faizi bu mövzuda mübahisələrin onlarda hər gün baş verməsini deyib. Bir sıra hallarda münaqişələrə səbəb keçmiş tərəfdaşlarla əlaqə, o cümlədən onlara gizli məlumatların və açıq-saçıq şəkillərin göndərilməsi olub.