Lütfi Zadənin nəşinin Bakıya gətiriləcəyi tarix açıqlanıb.
Azərbaycan Respublikasının Los Ancelesdəki baş konsulu Nəsimi Ağayev APA-a açıqlamasında bildirib ki, Lütfi Zadənin nəşinin sentyabrın 29-u Bakıya gətirilməsi gözlənilir."Daşınma şirkətindən əldə etdiyimiz məlumata görə, alim Lütfi Zadənin nəşi sentyabrın 26-da San Fransiskodan yola salınacaq. Ayın 29-da Bakıya çatması gözlənilir"- deyə, o bildirib.
