“Azərkimya” İstehsalat Birliyinin Müşahidə Şurasının sədri, Milli Məclisin deputatı Muxtar Babayev Əlil Qadınlar Cəmiyyəti Sumqayıt şəhər təşkilatının, Əlillərin Beynəlxalq Əməkdaşlığı uğrunda Cəmiyyətin, Əlillərin Sosial Müdafiəsinə və İnteqrasiyasına Dəstək İctimai Birliyinin, Müharibə, Əmək, Silahlı Qüvvələr Veteranları Şurasının üzvləri, şəhid ailələri və Qarabağ əlillərinin “Rahib” Xeyriyyə Cəmiyyətinin, respublika Gözdən Əlillər Cəmiyyətinin Sumqayıt şəhər şöbəsinin, Qızıl Aypara Cəmiyyəti Sumqayıt şəhər bölməsinin qeydiyatında olan bir qrup aztəminatlı insanlarla görüşüb.

Deputat görüşdə imkansız ailələrin, əlilliyi və fiziki qüsuru olan insanların ailə-məişət qayğıları ilə maraqlanıb. Onların arzu və istəkləri dinlənilib, qaldırdıqları məsələlərə münasibət bildirilib.

Görüşdə həmçinin son illərdə Sumqayıtda həyata keçirilən genişmiqyaslı abadlıq və quruculuq işlərinə toxunulub.

Prezident İlham Əliyevin Sumqayıta və bu şəhərin zəhmətkeş insanlarına göstərdiyi diqqət və qayğıdan söhbət açılıb.

Modern.az