QAZİLER.AZ saytı xəbər verir ki, bu gün Ağdamın Rusiya və Ermənistan silahlı qüvvələri tərəfindən işğalından 24 il ötür.

Hər il olduğu kimi, bu gün də yüzlərlə ağdamlı Bakıdakı şəhidlər Xiyabanlarını ziyarət ediblər.

Ziyarətdə Ağdam rayon icra hakimiyyəti başçısının müavini Arzu Rəhimova, rayon hüquq mühafizə orqanlarının və digər strukturlarının rəhbərləri, nümayəndələri, Xalq artisti, muğam ustadı, şöhrət ordenli Mənsum İbraihmov, “Qarabağ qaziləri” ictimai birliyinin Ağdam rayon şöbəsinin sədri Şamil Əbilov, Ağdamdan olan söz adamları, keçmiş döyüşçülər, şəhid ailələri və Ağdam sakinləri iştirak ediblər.

Əvvəlcə I Şəhidlər Xiyabanın ziyarət edən iştirakçılar sonra II Şəhidlər Xiyabanında olublar. Şəhidlərin məzarlarına gül dəstələri qoyublar, onların ruhuna dualar oxunub.

Ağdamlılar eyni zamanda Xalq artisti Qədir Rüstəmovun, dünya şöhrətli alim Xudu Məmmədovun məzarını da ziyarət ediblər.

“Qarabağ” qəzetinin növbəti sayı da ziyarətçilərə paylanıb.

QAZİLER.AZ