"Yaxın günlərdə Cəbrayıl rayonunun Cocuq Mərcanlı kəndində tikilən 50 evə vətəndaşlar köçürüləcək".

"Report" xəbər verir ki, bunu Cəbrayıl Rayon İcra Hakimiyyətinin başçısı Kamal Həsənov deyib.

O bildirib ki, evlər ailələr arasında bölünüb: "Yaxın günlərdə 50 evə vətəndaşlar köçürüləcək. Köçürülənlərin hamısı Cocuq Mərcanlı kəndinin sakinləridir, yəni burada yaşamış və qeydiyyatda olan insanlardır".

K.Həsənov qeyd edib ki, köçürülmə könüllülük əsasında həyata keçirilir: "Bu dəfə köçürülənlərin böyük əksəriyyəti Abşeron rayonunuda, Sumqayıtda və digər yerlərdə ictimai binada, yataqxanada yaşayanlardır. Həmin şəxslərin nə özləri tərəfindən ev alınmayıb, nə dövlət tərəfindən evlə təmin olunmayıb".