20 yanvar şəhidləri İlhamla Fərizənin ailə üzvü Elxan Allahverdiyevdən redaksiyamıza minnətdarlıq məktubu daxil olub.

E.Allahverdiyev bildirir ki, bir müddət əvvəl onların ailəsinə məxsus qeyr-yaşayış sahəsində elektrik təminatı ilə bağlı texniki problem yaranıb. Bununla bağlı o, Azərişıq ASC-nin rəhbərliyinə müraciət edib. Yaranmış problem qısa müddətdə həll edilib.

“Yaranmış problemlə bağlı Azərişıq ASC-nin rəhbərliyinə müraciət etdim. Çox sağolsunlar, problem dərhal, həll edildi. Qısa zaman kəsiyində və təmənnasız məsələni həll etdikləri üçün Azərişıq ASC-nin rəhbərliyi başda olmaqla qurumun Yasamal rayonu elektrik satışı və təchizatı idarəsinin müdiri Abbas Quliyevə, şöbə rəisi Qoşqar Hacıyevə öz adımdan, ailəmiz adından dərin minnətdarlığımızı bildirirəm”,- deyə E.Allahverdiyev qeyd edib.

QAZİLER.AZ