Ələt qəsəbəsində yerləşən Bakı Beynəlxalq Dəniz Ticarət Limanının birinci fazası yekunlaşdıqdan sonra Bakı Limanı eyni anda 11 gəmi qəbul etmək imkanına malik olacaq.
AZƏRTAC xəbər verir ki, bu sözləri Bakı Beynəlxalq Dəniz Ticarət Limanının Baş Əməliyyat direktoru Yevgeni Si iyunun 8-də Azərbaycan-Avropa İttifaqı biznes-forumu çərçivəsində keçirilən “Nəqliyyat və Logistika” adlı paneldə deyib.O bildirib ki, hazırda Bakı Limanı eyni anda iki gəmi qəbul edə bilir. Ancaq birinci mərhələ yekunlaşdıqdan sonra bu gəmilərin sayı 11-ə çatacaq.
