2015/2016-cı illərdə tam orta təhsil (11 illik) təhsil bazasında kolleclərə qəbul qaydalarında dəyişiklik edilib.

Bu barədə AZADİNFORM-a Tələbə Qəbulu üzrə Dövlət Komissiyasından məlumat verilib. Bildirilib ki, bu il tam orta təhsil bazasında (11 illik) orta ixtisas təhsili müəssisələrinə qəbul orta məktəbi bu il bitirən məzunlar üçün buraxılış imtahanının, orta məktəbi əvvəlki illərdə və ya xarici ölkələrdə bitirən abituriyentlər üçün isə V ixtisas qrupu üzrə keçiriləcək qəbul imtahanının (yəni eksternat qaydada buraxılış imtahanının) nəticələrinə əsasən aparılacaq.