Cakartada UNESCO-nun tədbirindən qayıdan tanınmış jurnalist Azər Həsrət öz facebbok səhifəsində maraqlı bir status paylaşıb. QAZİLER.AZ saytı onun yazdıqlarını təqdim edir:

“Gəlib çıxdım, dostlar. Üst-üstə 12 saatlıq uçuş və ümumilikdə düz bir sutkalıq yolçuluqdan sonra gecə saat 2-dən sonra artıq evdəydim. Çox yoruldum bu dəfə. Həm səfərimin uzun və uzaq olması, həm də səfər günlərində bir yandan MBNP-nin məlum əcaib qərarıyla bağlı müzakirələr, həm də Xədicə İsmayıl və erməni dostlarının mənə qarşı təşkil etdiyi hücumlara verməli olduğum cavablar məni yordu. Amma buna baxmayaraq Cakartada UNESCO-nun tədbirində tək Azərbaycanlı olaraq ölkəmizi layiqincə təmsil etməyə nail oldum.

Baxmayaraq ki, Bakıya ayaq basan kimi hava limanındakı gömrükçülər sözün həqiqi mənasında qanımı it qanına döndərdilər. Olsun. Biz bu Vətən üçün o, dünyadan xəbərsiz, alverçi təfəkkürlü gömrükçülərdən fərqli olaraq yenə də çalışmağa davam edəcəyik. Sadəcə, xoş gəlməyən budur ki, ölkənin əsas qapısında hələ də bu qafalı adamlar qarşılayır insanları...”