QAZİLER.AZ saytı xəbər verir ki, bu gün Qarabağ qaziləri birliyinin Şuşa filialının təsis etdiyi “Baku S travel” fəaliyyətə başlayıb. Bununla bağlı “Baku S travel” Nərimanov rayonu ərazisindəki ofisində təqdimat mərasimi keçirilib.

“Qarabağ qaziləri” birliyinin sədr müavini Firudin Məmmədov çıxış edərək təşkilat adından yeni yaranmış “Baku S travel”in rəhbərliyinə uğurlar diləyib. O, ölkəmizdə yaranmış geniş iqtisadi mühitdən döyüşçülərin də iş qurub faydalanmasının təqdirəlayiq hal olduğunu söyləyib.

“Baku S travel”-in direktoru, Qarabağ qazisi Elxan Ələkbərov çıxış edərək şirkətin yaradılması məqsədlərindən danışıb. O, qeyd edib ki, fəaliyyətləri zamanı Qarabağ qazilərinə xüsusi güzəşt ediləcəyini nəzərdə tutulub.

Şirkətin meneceri, Türkiyəli iş adamı Yıldırım Acar gələcək fəaliyyət perspektivlərindən söz açıb.

Murad Rzayevin rəhbərlik etdiyi “Qarabağ bülbülləri” ansamblının üzvləri konsert proqramı ilə çıxış ediblər.

Tədbirdə “Qarabağ qaziləri” birliyinin sədri Etimad Əsədov, qurumun rəhbərləri, Şuşa filialının sədri Kərim Hüseynov və digər döyüşçülər iştirak edib.

QAZİLER.AZ