Bakının Yasamal rayonu, Mətbuat prospektində yerləşən "Ovçular evi"nin ərazisində aparılan tikinti işləri zamanı ağacları kütləvi şəkildə məhv edənlər 8 il azadlıqdan məhrum edilə bilərlər.

Bu barədə virtualaz.org-a ekspert, hüquqşünas Abbas Atakişiyev bildirib.

Onun sözlərinə görə, bu məsələdə ağaclar olan ərazidə tikintiyə icazə verən şəxslər məsuliyyət daşıyırlar.

"Əgər istintaq nəticəsində vəzifə səlahiyyətlərinin aşılması müəyyən olunarsa, onda ölkənin Cinayət Məcəlləsinin 208-ci maddəsinə uyğun olaraq vurulmuş zərərin ölçüsündən asılı olaraq 8 ilə qədər azadlıqdan məhrum etmə nəzərdə tutulur", - hüquqşünas qeyd edib.

Xatırladaq ki, Azərbaycan prezidenti İlham Əliyevin göstərişi ilə “Ovçular evi" ərazisindəki binanın tikintisi dayandırılıb, tikintini həyta keçirən şirkət cərimələnib və barəsində cinayət işi qaldırılıb.