Qarabağ döyüşçüsü Filman Abbasov bu gün Binəqədi qəbiristanlğında öz ata-anasının yanında dəfn edilib. Dəfndə Filman Abbasovun ailə üzləri, yaxınları, qohumları ilə yanaşı döyüş yoldaşları da iştirak edib. Döyüş yoldaşları çıxış edərək Filman Abbasovun döyüş yolundan, vətən qarşısındakı xidmətlərindən danışıblar.

Xatırladaq ki, F.Abbasov Azərbaycanın ilk rəsmi hərbi hissəsi olan 836 saylı Ağdam Ərazi Özünü Müdafiə batalyonun yaradılmasında, formalaşdırılmasında yaxından iştirak edib. Abdal-Gülablı rotasının komandiri olub. Batalyonun erməni işğalçılarına qarşı aparılan bir çox əhəmiyyətli döyüşlərində yaxından iştirak edib, xüsusi qəhrəmanlıq göstərib.

F.Abbasov bir neçə ildir böyrək çatışmazlığından əziyyət çəkirdi.

Mərhum Filman Abbasovun 3-7 yas mərasimi yanvarın 19-da Bakının Binəqədi rayonu ərazisində Kənd Binəqədidə Abdal Gülablı sakinlərinin yaşadığı məhəllədə keçiriləcək.

Allah rəhmət eləsin!