Azərbaycan xalq ədəbiyyatının qədim yazılı abidəsi, oğuz türk dastanı “Kitabi-Dədə Qorqud”un alman diplomatı və şərqşünası, türkoloq Fridrix fon Dits tərəfindən alman dilinə çevrilərək dünyaya tanıdılması və ilk dəfə tədqiqata cəlb edilməsinin 200-cü ildönümünə həsr olunmuş silsilə tədbirlər çərçivəsində sonuncu görüş Bərdə şəhərində keçirilib.

Dövlət müşaviri Kamal Abdullayev maraqlı fikirlər səsləndirib. K.Abdullayev bildirib ki, “Kitabi-Dədə Qorqud” xalqımızın tarixində əxlaq və mənəviyyat dərsliyi sayıla biləcək bir dastandır. Biz bütün azərbaycanlılar, bütün türk dünyası bu kitabın işığında əbədiyyətə qədər yol gedə bilərək. Bu dastan Azərbaycan xalqının yüksək səviyyədə təqdim edə bilər. Belə dastanı olan toplum əhali səviyyəsində qala bilməz, xalqa çevrilir, necə ki çevrilir”.