Fövqəladə Hallar Nazirliyinə məxsus təyyarə meşə yanğınlarına kömək etmək üçün lazımi yanğınsöndürmə avadanlıqları ilə birgə bu gün günorta saatlarında İsrail Dövlətinə yola düşüb. Bu barədə Lent.az-a FHN-nin mətbuat xidmətindən bildirilib.

İsrail Dövlətinin Hökuməti bu ölkədə tüğyan edən meşə yanğınları ilə əlaqədar müvafiq köməkliyin göstərilməsi üçün Azərbaycan Hökumətinə müraciət edib.

Lent.az-ın Fövqəladə Hallar Nazirliyinin saytına istinadən verdiyi məlumata görə, bununla bağlı Azərbaycan Prezidenti İlham Əliyevin tapşırığına uyğun olaraq, Fövqəladə Hallar Nazirliyinə məxsus “BE-200ÇS” amfibiya tipli təyyarənin müvafiq yanğınsöndürmə avadanlıqları ilə İsrailə göndərilməsi üçün hazırlıq işlərinə başlanılıb.
FHN-nin təyyarəsi lazımi yanğınsöndürmə avadanlıqları ilə birgə bu gün günorta saatlarında İsrail Dövlətinə yola düşüb. .