Bu yağış da Bakını iflic etdi az qala. Sosal şəbəkələr, xəbər agentlikləri paytaxtın müxtəlif yerlərindən yağışın törətdiyi fəsadlarla bağlı foto və video matreillar paylaşırlar. QAZİLER.AZ lent.az-a istinadla bildirir ki, şəhər Venetsiyanı xatırladır, amma çox rəzil bir formada. Yağışın durmadan yağması sular çəkiləndən sonra öz fəsadlarını daha açıq şəkildə göstərəcək. Amma bu videoda gördüyünüz kadr isə tamam başqa bir təhlükədən xəbər verir. Bakıda "Bağırov körpüsü"n kimi tanınan bu tunelin divarlarından su şəlalə kimi axır. Və bu sular körpünün laylarını yuyub onu təhlükəli, qəzalı vəziyyətə sala bilər.
Şəhərin mərkəzində, Bakı Baş Polis İdarəsinin qarşısından keçən Yusif Səfərov küçəsinə gələn bütün əlavə yollar bağlanıb. Elə bu səbəbdən də Nizami küçəsindəki tıxacın uzunluğu yüz metrlərlədir. Nizami küçəsi ilə Yusif Səfərov küçəsinin kəsişməsində dayanan polislər hələ bu saatlarda da yolun qarşısını kəsməkdə davam edirlər. Bunun səbəbini öyrənməyə çalışan əməkdaşımıza polisin açıqlaması belə olub:
"Tapşırıq belədir. Əsas yoldakı hərəkatı bərpa etmək üçün kəsişmələrdəki avtomobilləri saxlamaq məcburiyyətindəyik".
Yolları kəsilən avtomobil sürücüləri isə etiraz əlaməti olaraq dayanmadan siqnal verirdi. Hətta bəzi sürücülər maşından düşərək polislərlə mübahisə belə edib. Amma vəziyyət dəyişmədən qalır.
Babək prospektində də səhər saatlarından başlayan tıxac davam edir. Sürücülər avtomobillərini söndürüb yolun nə vaxt açılacağını gözləyirlər.
