Azərbaycanlı milyonçu, “İnter Server” şirkətlər qrupunun prezidenti Füzuli Məmmədovun (Frenk Elkapone) dəbdəbəli həyat tərzini əks etdirən fotolar əldə etmişik.

Axar.az xəbər verir ki, bir müddət Azərbaycanda yaşadıqdan sonra Rusiyaya, oradan isə çox sevdiyi İtaliyaya gedən Füzuli Məmmədov hazırda Milan şəhərində yaşayır.

Xatırladaq ki, bir müddət Azərbaycanda yaşayan və siyasi fəaliyyətlə məşğul olmağa cəhd göstərən F.Məmmədov 90-cı illərin sonunda siyasətdən tam çəkilib və Rusiyadakı biznesini inkişaf etdirib. Adı tez-tez kriminal olaylarda hallanan (məşhur mafioz Frenk Elkaponeyə sevgisinə görə bu adı özünə təxəllüs götürüb) F.Məmmədov Rusiyada hətta narkotik ittihamı ilə də saxlanılıb.

2014-cü ildə Moskvadakı biznesini Avropaya köçürən F.Məmmədovun bu addımının səbəbi kimi Moskva meri olan Lujkovun vəzifədən getməsi göstərilirdi. Belə ki, Lujkov və onun xanımı Yelena Baturina ilə sıcaq əlaqələri olan Frenkin onların Moskvadan getməsindən sonra mövqeləri zəifləyib. Onun obyektləri Moskva vergi departamenti tərəfindən davamlı yoxlamalara məruz qalıb, Moskvanın “Reçnoy vokzal” metrostansiyası yaxınlığındakı ticarət mərkəzi də buna görə günlərlə bağlı qalırmış.

Onun Palermoda da ticarət obyektlərinin olduğu bildirilir.

F.Elkaponenin birinci həyat yoldaşı italyan əsillidir, “Elkapone” xanımının soyadı olub.

Onun Berqami şəhərindəki villasından fotoları təqdim edirik: