Son illərdə əldə etdiyi irəliləyişlə ağıllı telefon bazarındakı fəaliyyətini əhəmiyyətli dərəcədə artıran ZTE yeni telefonları - ZTE Nubia Z9 Max və Z9 Mini-ni tanıdıb.

Xüsusilə də, Çin və Hindistan bazarlarında maraqla qarşılanan aşağı xərcli ağıllı telefonların son dövrlər daha əhəmiyyətli hala gəlməsiylə yüksələn çinli telefon istehsalçısı ZTE telefon seçimini zənginləşdirməyə davam edir. Ötən il olduğu kimi bu il də fərqli ölçülərdə ağıllı telefonlar təqdim edən ZTE yeni telefonları ZTE Nubia Z9 Max və Z9 Mini-ni rəsmi olaraq təqdim edib.

ZTE Nubia Z9 Max-ın rəsmi olaraq tanıdılması telefonun funksiyaları haqqında maraqlanılan detalların nəhayət müəyyən olmasını təmin edib. Nubia Z9 Max-ın xüsusiyyətlərinə 5.5 düym sensor ekran, Snapdragon 810 prosessor, 3 GB RAM, 16 GB daxili yaddaş, microSD yaddaş kartı dəstəyi, 2900 mAh və titan gövdəyə malik olması aiddir.

ZTE Nubia Z9 Mini-nin xüsusiyyətlərinə isə 5 düym sensor ekran, Snapdragon 615 prosessor, 2 GB RAM, 16 GB daxili yaddaş, microSD yaddaş kartı dəstəyi və 2900 mAh batareya daxildir. Hər iki telefon cüt SIM kart xüsusiyyətinə sahibdir və 16 megapiksel arxa, 8 megapiksel ön kameraya malikdir.