Bu gün Azərbaycanın tanınmış jurnalisti, publisisti, ədəbi tərcüməçisi, xalqımızın yaddaşında “Dalğa” proqramının aparıcısı kimi həkk olan İlqar Əlfinin 60 yaşı tamam olur. Təkrarsız imza sahibi, səmimi və insanlara yalnız pozitiv enerji verən, bu dünyada kimsənin xətrinə dəymək istəməyən, dəyəcəyini duyanda oranı, lap onun üçün sonuncu çörək yeri də olsa belə, kişi kimi tərk edə bilən İlqar Əlfini təbrik edirik!

Ona uzun ömür, can sağlığı və yeni-yeni yaradıcılıq uğurlar arzulayırıq. Uzun müddətdən sonra İlqarı yenidən oxuculara, tamaşaçılara qaytaran APA Holdinqin rəhbəri Vüsalə Mahirqızına da, Nazirlər Kabineti yanında Tərcümə Mərkəzində bu dəyərli insana etimad göstərən yazıçı Afaq Məsuda da təşəkkürlər!

Qaziler.az saytı olaraq İlqar Əlfinin APA TV-də çalışdığı vaxt müəllifi olduğu verilişlərdən birini yayırıq! Buyurun: “İlqar Əlfi ilə “Yeni Dalğa”” layihəsinin “Hitlerin oğlu bu yaxınlarda üçüncü dünya müharibəsinə başlayacaq” verilişi...