“Qarabağ əlilləri dövlətimizin ən yüksək diqqət göstərdiyi kateqoriyalı insanlardandır. Lakin onlara hansının ki, 5 il stajı yoxdur, pensiya yox, müavinət verilir. Bu da 60 manatdır”. Qaziler.az saytı AZADİNFORM-a istinadən xəbər verir ki, bunu millət vəkili Musa Quliyev deyib.

O bildirib ki, 5 il stajı olanların isə pensiyası 120 manatdır: “Qeyd edim ki, 18 yaşda hərbi xidmətə çağırılan şəxs 5 il staj əldə edə bilməzdi. Odur, təklif edirəm ki, Qarabağ əlillərinin müavinətləri minimum pensiya həddinə çatdırılsın. Bu kateqoriyadan olan insanların sayı elə də çox deyil, 200-250 nəfər təşkil edir ki, bu da dövlət büdcəsi üçün elə bir problem yaratmır. Bu təklifin reallaşması Qarabağ əlilləri arasında sosial ədalətin bərpası ola bilər”.