Novruz bayramı ərəfəsində prezident tərəfindən əfv sərəncamının imzalanacağı gözlənilir. Bu sözləri Axar.az-a İnsan hüquqları üzrə Birgə Qrupun üzvü, hüquq müdafiəçisi Novella Cəfəroğlu deyib.
Onun sözlərinə görə, siyahı hazırlanaraq Əfv Komissiyasına təqdim edilib:“Bayram ərəfəsində əfv olacağı gözlənilir. Siyahı hazırlanaraq Əfv Komissiyasına təqdim edilib. Siyahıda 23 nəfərin adı var”.
Xatırladaq ki, Əfv Komissiyasının üzvləri də mediada əfv sərəncamının verilə biləcəyini istisna etməyiblər.
Prezident İlham Əliyev sonuncu dəfə 28 dekabr 2015-ci il tarixində əfv sərəncamı imzalayıb.
