Ədliyyə Nazirliyinin Qeydiyyat və Notariat Baş İdarəsinin Vətəndaşlıq vəziyyəti aktlarının reyestri xidmətinin rəisi Reyhanə Kərimova 2014-cü il ərzində ad, ata adı və soyadını dəyişdirən Azərbaycan vətəndaşlarının sayını açıqlayıb. Lent.az-ın məlumatına görə, nazirlik rəsmisi modern.az-ın sorğusuna cavab olaraq bildirib ki, 2014-cü ildə qeydiyyat orqanlarına adın, ata adının və soyadın dəyişdirilməsi ilə bağlı 3088 müraciət daxil olub və onların hamısı təmin edilib.
Reyhanə Kərimova “daha çox hansı ad, soyadlar dəyişdirilib və hansılarla əvəz olunub” suallarına cavab olaraq qeyd edib ki, bununla bağlı statistika aparılmadığından, eləcə də “İnformasiya əldə etmək haqqında” qanunun 21.2.5-ci maddəsinə əsasən, sorğunun icrası informasiyanın sistemləşdirilməsini, təhlil edilməsini və ya sənədləşdirilməsini tələb etdiyindən onların cavablandırılması mümkün deyil.Ötən il 3 mindən çox adam adını və soyadını dəyişdirib
