Xəzər dənizinin Neftçala ərazisində aşkar edilmiş cəsəd identifikasiya olunub.

Qaziler.az bu barədə SOCAR-ın saytına istinadən xəbər verir.

Fevralın 21-də Xəzər dənizinin Neftçala ərazisində aşkar edilmiş cəsədin DNT analizinin nəticələri məlum olmuşdur.

Ekspertlərin rəyinə əsasən, cəsəd SOCAR-ın Nəqliyyat İdarəsinin əməkdaşı Xudaverdiyev Cavad Xudaverdi oğlunundur. O, dekabrın 4-də təbii fəlakət nəticəsində Neft Daşlarındakı 501 saylı dəniz özülündə baş vermiş qəzada itkin düşən 3 neftçidən biridir. Mərhuma Allahdan rəhmət, doğmalarına və əzizlərinə səbr diləyirik.

Dekabrın 4-də Neft Daşlarındakı 501 saylı və ``Günəşli`` yatağındakı 10 saylı dəniz özüllərində baş vermiş qəzalar nəticəsində itkin düşmüş neftçilərin axtarışı davam edir.