“İqlim dəyişmələri Azərbaycanda landşaft qurşaqlarının sərhədlərinin yuxarı irəliləməsinə, isti və mülayim qurşaqların sahəsinin genişlənməsinə, soyuq qurşaqlarının sahəsinin isə azalmasına gətirib çıxaracaq. Bu, proqnoz təxminən 2050-2070-ci illər aralığına hesablanıb”.
Bunu APA-ya açıqlamasında Azərbaycan Milli Elmlər Akademiyasının (AMEA) Coğrafiya İnstitutunun İqlim və aqroiqlimşünaslıq şöbəsinin baş elmi işçisi, coğrafiya üzrə fəlsəfə doktoru Məhərrəm Həsənov deyib.O qeyd edib ki, iqlim dəyişmələri Azərbaycanda meşələrin sahələrinin azalmasına da təsir göstərəcək: “Eyni zamanda, iqlim dəyişmələri bəzi orta və alçaq dağlıq zonada dəmyə əkinçiliyinin sahəsinin azalmasına gətirib çıxaracaq”.
