Bakıda və Abşeron yarımadasında yanvarın 28-də buludlu hava şəraiti üstünlük təşkil edəcək. Ekologiya və Təbii Sərvətlər Nazirliyinin Milli Hidrometeorologiya Departamentindən Lent.az -a verilən məlumata görə, axşama doğru yağış yağacaq. Mülayim cənub küləyi əsəcək. Havanın temperaturu gecə 1-4, gündüz 5-8 dərəcə isti olacaq.
Azərbaycanın rayonlarında sabah bəzi yerlərdə duman, çiskin olacaq. Axşama doğru yağış yağacaq. Dağlıq və dağətəyi rayonlarda sulu qar, qar yağacaq. Arabir güclənən şərq küləyi əsəcək.Havanın temperaturunun gecə 1 dərəcə şaxtadan 4 dərəcəyə qədər isti, gündüz 5-10 dərəcə isti, dağlarda gecə 3-8, yüksək dağlıq ərazilərdə 11-16 dərəcə şaxta, gündüz 2 dərəcə şaxtadan 3 dərəcəyədək isti olacağı gözlənilir.
