Səbinə Əliyeva yenidən ombudsman seçilib.
Qaziler.az xəbər verir ki, bununla bağlı Milli Məclisdə səsvermə keçirilib.
Səsvermənin nəticələrinə əsasən, Səbinə Əliyeva 100, Ceyhun Qaracayev 13, Elşanə Vəliyeva isə 8 səs toplayıb. Qeyd edək ki, yeni ombudsmanın seçilməsi üçün parlamentdə 83 səs çoxluğu kifayət idi.
Daha sonra Səbinə Əliyeva ombudsman kimi and içib.
Qeyd edək ki, Ombudsman 7 il müddətinə seçilir. Eyni şəxs müvəkkil vəzifəsinə iki dəfədən artıq seçilə bilməz. Səbinə Əliyeva bu vəzifəyə 29 noyabr 2019-cu ildə seçilib.
