Qaradağ rayonunun Ümid qəsəbəsi ərazisində Heydər Əliyev Fondunun təşəbbüsü ilə körpələr evi-uşaq bağçasının tikintisi işlərinə başlanılıb.

Rayon İcra Hakimiyyətindən bildirilib ki, müvafiq Dövlət Proqramına uyğun olaraq 294 nömrəli orta məktəb üçün 20 siniflik əlavə tədris korpusu tikilərək istifadəyə verilib. Eləcə də məcburi köçkün ailələri üçün 200 mənzilli 3 yeni yaşayış və 1 yeni məktəb binasının inşası başa çatdırılaraq istismara verilib.



Bundan əlavə, 300 mənzilli yeni yaşayış binalarının, bağçanın və yeni parkın tikintisinə hazırlıq işləri gedir.