Rusiya ordusunun müharibədəki itkiləri Ukrayna Müdafiə Qüvvələrinin itkilərindən xeyli çoxdur. Buna baxmayaraq, dəqiq rəqəmlər hələ də məlum deyil.

Qaziler.az Fox News-a istinadən xəbər verir ki, bu barədə Ukrayna lideri Vladimir Zelenski bildirib.

Amerikalı jurnalist dövlət başçısından dörd illik tammiqyaslı müharibədə Rusiya işğalçı qüvvələrinin təxmini itkilərini bilib-bilmədiyini soruşub.

"Bəli. Buna görə də, onların itkiləri ümumilikdə 1,6 milyondur, onlardan təxminən 700 min nəfəri həlak olub. Təxminən", - deyə Zelenski cavab verib.

Bundan sonra jurnalist Ukrayna prezidentinin Müdafiə Qüvvələrinin itkilərini açıqlaya bilib-bilməyəcəyini soruşub. Zelenskinin sözlərinə görə, bunu etmək çox çətindir.

"Bağışlayın, düzünü desəm, bu məsələdə çox səmimi olmaq istəmirəm, çünki ruslar ordumuzla nə baş verdiyini anlayacaqlar. Bizim təxminən 50 min həlak olan hərbçimiz, həmçinin 400 minə yaxın yaralımız var", - deyə Ukrayna lideri bildirib.

Zelenski faktiki olaraq Rusiyanın həlak olanlar üzrə itkilərinin Ukraynadan təxminən 14 dəfə çox olduğunu təsdiqləyib. O, həmçinin itkin düşənlərin sayının da olduqca çox olduğunu əlavə edib.

QAZİLER.AZ