Dekabrın 14-də qoşunların təmas xəttində düşmənlə döyüş toqquşmasında şəhid olan Silahlı Qüvvələrimizin hərbi qulluqçusu, 1997-ci il təvəllüdlü əsgər Nihad İltifat oğlu Rəhimli bu gün doğulduğu Hacıqabul rayonunda dəfn olunub.
APA TV-nin yerli bürosunun xəbərinə görə, dəfn mərasimində Müdafiə Nazirliyinin yüksək rütbəli zabitləri, şəhidin xidmət etdiyi hərbi hissənin komandir və əsgər heyəti, Şirvan şəhər və Hacıqabul rayon İcra hakimiyyətlərinin başçıları, ictimaiyyət nümayəndələri və şəhidin yaxınları iştirak edib.
Allah rəhmət eləsin!
