Azərbaycanın Milli Qəhrəmanı Asif Məhərrəmovun ("Fred Asif"- red.) bacısı Tahirə Yusif qızı dünyasını dəyişib.

Qaziler.az bildirir ki, bu barədə "Fred Asif"in qardaşı Ədalət Məhərrəmov özünün feysbuk səhifəsində məlumat verib.

Milli Qəhrəmanın bacısı bu gün, yanvar ayının 10-da dünyasını dəyişib. O, sabah torpağa tapşırılacaq.

Qazi Rey Kərimoğlu bildirib ki, cənazə yanvarın 11-i, səhər saat 11-də "Vorovski" qəsəbəsi, "Qoşa zapravka"nın yanındakı binanın həyətindən ("Qrand-market"in yaxınlığı) dəfnə götürələcək.

Qəhrəmanın bacısı Hövsan qəsəbəsində, "Dədə Qorqud" qəbirstanlığında torpağa tapşırılacaq.

Allah rəhmət eləsin!

Xatırladaq ki, Asif Yusif oğlu Məhərrəmov 1952-ci il iyulun 26-da Ağdam şəhərində anadan olub. O, 1988-ci ildən başlayaraq Ağdamın Abdal-Gülablı, Xıdırlı, Əmirallar, Sırxavənd, Bağbanlar, Əhmədavar kəndlərində düşmənə qarşı müdafiə dəstələri yaradıb.

1990-cı ildə Ağdam özünümüdafiə dəstəsi yaradıb, Xramort, Aranzəmin, Pircamal, Dəhraz, Naxçıvanik və digər kəndlərin müdafiəsində cəsur komandir kimi rəşadətlə vuruşub. 1992-ci ilin martında Füzuli şəhərinin müdafiəsinə köməyə gedib, düşmənə ağır zərbə vurub.

Polkovnik-leytenant Asif Məhərrəmov 1994-cü il iyulun 1-də müharibədə aldığı yaraların nəticəsində dünyasını dəyişib. Bakı şəhərində 2-ci Fəxri Xiyabanda dəfn edilib.

Bakının küçələrindən biri onun adını daşıyır.

QAZİLER.AZ