Bakı metropoliteninin "28 May" stansiyasında qatarların hərəkətində fasilə yaranıb.
Sərnişinlərin Oxu.Az-a verdiyi məlumata görə, buna səbəb stansiyada hərəkət etmək istəyən qatarda tüstülənmənin baş verməsi olub.
Edilən anonsun ardından sərnişinlər vaqonlardan düşürülüblər. Bildirilir ki, tüstülənmə yeni nəsil qatarda baş verib.
"Bakı Metropoliteni" QSC-dən Oxu.Az-ın sorğusuna cavab olaraq məlumat verilib ki, saat 22:58-də qatarın idarəetmə panelində texniki nasazlıq qeydə alınıb:
"28 May" stansiyasında sərnişinlər düşürülüb və qatar "Nizami" stansiyasından texniki baxış üçün "Nərimanov" elektrik deposuna göndərilib".
