ABŞ prezidentinin xüsusi nümayəndəsi Stiv Uitkoff Rusiya prezidenti Vladimir Putinlə görüşdükdən sonra Ukrayna danışıqlar qrupu ABŞ-a səfər etməyə dəvət edilib.

Qaziler.az bildirir ki, RBC-Ukrayna-ya istinadən verdiyi məlumata görə, bu barədə Ukraynanın xarici işlər naziri Andrey Sibiqa məlumat verib.

Sibiqa NATO xarici işlər nazirlərinin görüşünün ardınca bildirib ki, Ukrayna nümayəndə heyətinin rəhbəri, Milli Təhlükəsizlik və Müdafiə Şurasının katibi Rüstəm Umerov Putinlə görüşdükdən sonra Uitkoffla telefonla danışıb. Təhlükəsizlik səbəblərinə görə, Moskvadakı görüşün təfərrüatları müzakirə olunmayıb.

Eyni zamanda, nazirin sözlərinə görə, Umerov Fransa, Böyük Britaniya və Almaniya rəsmiləri ilə sülh danışıqları ilə bağlı məsləhətləşmələri davam etdirir. Onlar mövqelərini əlaqələndirir və əldə edilən irəliləyişi qiymətləndirirlər.

QAZİLER.AZ