Şənbə günü Ağdamın Quzanlı qəsəbəsində “258 saylı PDM ekipajı” sənədli filminin təqdimatı keçirilib. Film 1993-cü ilin yayında Ağdam uğrunda döyüş iştirakçılarına həsr olunub. Tədbiri Ağdam Rayon İcra Hakimiyyəti Qarabağ Müharibəsi Veteranları Birliyinin iştirakı ilə təşkil edib.

Qaziler.az saytı azadliq.infoya istinadən xəbər verir ki, film Azərbaycan Silahlı Qüvvələrinin 708-ci briqadasının ikinci batalyonunun döyüşçülərindən bəhs edir. Həmin döyüşçülər iyunun 12-də Ağdamın girəcəyində döyüşlər zamanı ermənilərin ön bölmələrini, həmçinin onların komandiri tanınmış terrorçu Monte Melkonyanı məhv ediblər.

Filmdə arxiv materialları, ekspert rəyləri və hərbçilərin öz fikirləri geniş yer alıb.

Melkonyanı məhv 258 saylı PDM-in xidmətlərindən danışılır.



Film müəllifləri inandırıcı şəkildə və dəqiqliklə sübut ediblər ki, İbad Hüseynovun Melkonyanın başını kəsdiyinə israr etməsi uydurmadır.

Ağır döyüşlərdə Melkonyanı məhv edən əsl qəhrəmanlar öz mükafatlarını hələ almayıblar.

Ağdam ictimaiyyəti, veteranlar və tələbələr filmi və filmin müəlliflərini çox səmimi qarşılayıblar, prinsipial mövqeyə, həqiqəti göstərdiklərinə görə onlara öz təşəkkürlərini bildiriblər.

Ağdamlılar 258 saylı PDM ekipajının yeganə sağ qalmış üzvləri Azaddin Musayev və həmin batalyonun komandiri polkovnik Xətai Baxışovu çox mehribanlıqla alqışlayıblar. A.Musayev bu gün də tank komandiri kimi öz xidmətini davam etdirir.