Ağdərə rayonunda noyabrın 16-da minaya düşərək xəsarət alan Natiq Namiq oğlu Əliyevin son durumu məlum olub.
Bu barədə "Report"un sorğusuna cavab olaraq Bərdə Rayon Mərkəzi Xəstəxanasından bildirib.
Qeyd edilib ki, minaya düşən 1990-cı il təvəllüdlü N.Əliyevin müalicəsi Bərdə Rayon Mərkəzi Xəstəxanasının müvafiq şöbəsində davam etdirilir, vəziyyəti stabildir.
Xatırladaq ki, o, Ağdərə rayonunun Sırxavənd kəndi ərazisində minaya düşmə səbəbilə noyabrın 16-da saat 13:20 radələrində tibb müəssisəsinə hospitalizasiya olunub.
Pasiyentin üzərində sol aşağı ətrafın baldırın yuxarı 1/3-dən amputasiya əməliyyatı icra olunub.
