Türkiyənin Hatay bölgəsinin mərkəzi Antakya rayonunda baş verən meşə yanğını yanğınsöndürmə qruplarının müdaxiləsi ilə nəzarət altına alınıb.

Qaziler.az TRT-Haber-ə istinadən bildirir ki, Narlıca məhəlləsində meşəlik ərazidə naməlum səbəbdən yanğın baş verib.

Xəbər verildikdən sonra əraziyə yanğınsöndürmə idarəsi və Regional Meşə Təsərrüfatı İdarəsinin qrupları göndərilib.

Yanğın genişlənmədən nəzarət altına alınıb.

Valilikdən verilən açıqlamada hazırda davam edən yanğında xəsarət alan, ölən və ya digər xoşagəlməz hadisələrin olmadığı bildirilib.

QAZİLER.AZ