Gürcüstanın keçmiş müdafiə naziri İrakli Okruaşvili 8 ay müddətinə azadlıqdan məhrum edilib

Qaziler.az "onlayn-qruziya"ya istinadən bildirir ki, Gürcüstanda müxalifətçi siyasətçi İrakli Okruaşvili parlamentin müvəqqəti istintaq komissiyasının tələblərini yerinə yetirmədiyinə görə məhkəmə tərəfindən təqsirli bilinib.

hakim Tamar Mçedlişvilinin qərarı ilə o, 8 ay müddətinə azadlıqdan məhrum edilib və 2 il vəzifə tutmaq hüququndan məhrum edilib.

İrakli Okruaşvili iclasda iştirak etməyib və yekun çıxış etmək hüququndan istifadə etməyib.

Məlumat üçün bildirək ki, İrakli Okruaşvili martın 26-da parlamentin müvəqqəti istintaq komissiyasına izahat vermək üçün çağırılıb, lakin gəlməkdən imtina edib.

QAZİLER.AZ