Qırğızıstan parlamenti Tacikistanla dövlət sərhədi haqqında müqavilənin ratifikasiyasını üçüncü oxunuşda təsdiqləyib.
Qaziler.az bildirir ki, bu barədə martın 19-da "AKIpress" agentliyi məlumat yayıb.
Bu gün Nazirlər Kabinetinin sədr müavini Kamçıbek Taşiyev parlamentin iclasında müvafiq hesabat təqdim edib. Onun bir hissəsi olaraq o, deputatlara xəritələr nümayiş etdirib, həmçinin Tacikistanla mübadilə planları barədə məlumat verib.
"85 deputat lehinə, 1 nəfər əleyhinə səs verib. Ümumilikdə 86 deputat qeydə alınıb", - nəşr yazır.
Parlamentin iclasında deputatlar həmçinin su təsərrüfatı və enerji infrastrukturu haqqında sazişi, yol-nəqliyyat infrastrukturu haqqında sazişi təsdiqləyiblər.
